“من صغري بحب شغل الهاند ميد”.. هكذا اختصرت الفتاة العشرينية حديثها عن عشقها للأعمال اليدوية، التي كانت ملاذها عند إصابتها بالسرطان خلال العام الماضى، والذى تقاومه بقوتها وعزيمتها وإيمانها بالله، وتفوقت على نفسها في الأعمال اليدوية التي اتخذتها بعد ذلك مصدر رزق لها حتى أتقنت فن الرسم بالصلصال الحرارى.


 


“ميرنا” تحدت السرطان بالصلصال الحرارى

 


 قالت ميرنا طارق البالغة من العمر 23 عاماً لـ “اليوم السابع”:” اتعلمت الرسم بالصلصال الحراري عن طريق فيديوهات اليوتيوب وبدأت اشتغل في المجال ده وفوجئت بإصابتى بسرطان الغدد الليمفاوية وبدأت حالتى النفسية تتدهور، لكن بدعم وتشجيع اللى حواليا حسسونى إن دى مش نهاية العالم وإنى هخف قريب و ده شجعنى أخد جلسات كيماوي واللى أثرت بالسلب برضه على نفسيتي وقوتي الجسدية وأصبح مجهودي أقل من الأول لكن الحمد لله فضلت مكملة و بدأت اشتغل من جديد”.


 


 وتابعت: “حاولت أجدد أفكاري واشتغل من جديد وأشغل نفسي بالشغل عشان انسى التعب والتفكير في العلاج وبدأت أركز أكتر في الشغل وبالفعل نجحت في ده و زاد إيمانى بأن المرض ده مش نهاية الحياة وإنها أعمار ولازم اشتغل واعيش حياتي من جديد بشخصية قوية عشان أقدر أواجه”.


 


تجد ميرنا سعادتها في عملها بالرسم بالصلصال الحرارى، حيث قالت:” بحب الشغل لدرجة ممكن اشتغل من 6 لـ 8 ساعات في اليوم و حابه أجدد من الرسم واشتغل بالصلصال وبدأت أعمل ماجات وميداليات وتصميمات تانية وفكرت اشتغل على الزجاج وأدمجه بالصلصال عن طريق اللعب بالأشكال للتزيين”.


 


وتابعت: “تابعت فنانين روسيين بيشتغلوا بالصلصال و اتعلمت منهم ونزلت اشتريت الأدوات وبدأت أنفذ الأشكال الجديدة وعملت حلقان وميداليات وماجات وبعرف أنفذ أي شكل على حسب الطلب وبعدها عملت صفحة على الفيس بوك والبنات بدأت تعرفني وتحب شغلى”.


 

طريقة ضغط الصلصال مع  الزجاج
الرسم بالصلصال على الزجاج


 

مج حرار من الصلصال
مج حرارى  


 

اشكال جديدة  للمجات الحرارية
مج أخر


 

أشكال للميدليات  من الصلصال الحراري
ميدالية


 

اكسسوار عربية من الصلصال الحراري
اكسسوار عربية من الصلصال الحراري


 

طريقة  الشغل بالصلصال الحراري
صلصال الحراري


 

طريقة صنع  الهدايا من الصلصال الحراري
ميدالية من الصلصال الحراري


 


 



Source link

اُمسيات عيدية 》الحلقة الثانية
مسلسلات آسيوية البطلة تتنكر كفتى💓.. #shorts #shortvideo

Leave a Comment